Historikar Gaute Losnegård teiknar eit utførleg portett av Torolv Solheim (1907-1995), ein av grunnlegjarane av, og seinare partileiar for, Sosialistisk folkeparti, forgjengar til SV. Det var ikkje berre i politikken at Solheim gjorde seg gjeldande. I sitt mangslungne liv var han både motstandsmann, målmann, kulturradikal distriktsforkjempar, redaktør og motstandar av NATO. Han kom opprinneleg frå Radøy i Nordhordaland, men budde fleire plassar i Noreg gjennom livet. Han jobba både med fiskerinæring og skipsindustri, hadde redaktørposten i tidsskriftet Fossegrimen og underviste i skulen. Solheim holdt godt til venstre i politikken, og spelte ei viktig rolle da Sosialistisk Folkeparti blei danna, som følgje av arbeidet for nedrustning og Noreg sin utmelding av NATO. I boka fortel Losnegård også om den reisa Torolv Solheim og familien tok til Moskva i 1952, da forholdet mellom Sovjetunionen og Vesten var på sitt kaldaste. Omtalen er utarbeidd av BS.
